Terarysty pranikli ŭ parłamient Irana, pieraapranuŭšysia ŭ žanočaje adzieńnie
7.06.2017 / 14:51
Terarysty, jakija napali na parłamient Irana, byli pieraapranutyja ŭ žanočaje adzieńnie, paviedamlaje dziaržaŭnaje ahienctva IRNA sa spasyłkaj na zajavu namieśnika kiraŭnika MUS Chasiejna Zulfikary.
Raniej ułady Irana abviaścili, što ŭsie čaćviora terarystaŭ, jakija ŭdzielničali ŭ napadzie na parłamient, źniščanyja, nie staŭšy raskryvać nijakich padrabiaznaściaŭ.
Jašče adna hrupa terarystaŭ 7 červienia ździejśniła napad na maŭzalej imama Chamiejni, raźmieščany ŭ pryharadzie Tehierana. Adzin z napadnikaŭ pryvioŭ u dziejańnie vybuchovaje prystasavańnie, zamacavanaje na ciele. Pieršapačatkova paviedamlałasia, što vybuch učyniła śmiarotnica, adnak paźniej źjavilisia zdymki ź miesca napadu, na jakich byŭ teraryst-mužčyna.
Pa dadzienych ahienctva «Miechr», u vyniku teraktaŭ zahinuli 12 čałaviek, 39 atrymali ranieńni. Ci ŭličvajuć hetyja dadzienyja zabitych terarystaŭ, ahienctva nie ŭdakładniaje.