U čempijanacie Biełarusi pa chakiei skarociać kolkaść lehijanieraŭ i pamienšać zarpłaty

07.06.2017 / 21:28

Z nastupnaha siezona ŭ čempijanacie Biełarusi pa chakiei zmohuć hulać nie bolš za piać zamiežnych chakieistaŭ. Takoje rašeńnie było pryniataje na vykankamie fiederacyi, paviedamlaje Tut.by.

Nahadajem, što raniej limit na lehijanieraŭ składaŭ vosiem čałaviek.

Pry hetym u zajaŭcy na matč pavinna prysutničać nie mienš za dvuch biełaruskich hulcoŭ da 20 hadoŭ.

Taksama było pryniata rašeńnie pamienšyć «stol» zarobkaŭ na 25%.

Nastupny siezon dla Ekstralihi taksama stanie apošnim, u jakim voźmuć udzieł 12 kamand. Čatyry najhoršyja kłuby vyleciać u novastvoranuju Ekstralihu-2, dzie taksama zhulajuć čatyry novyja kłuby. U nastupnych siezonach pamiž lihami budzie pravodzicca ratacyja.