Spynienaja kryminalnaja sprava suprać Źmitra Daškieviča
08.06.2017 / 21:07
fota Antona Matolki
Lidar «Maładoha Frontu» Źmicier Daškievič atrymaŭ paviedamleńnie pra spynieńnie kryminalnaj spravy pa č.3 art.293 «Arhanizacyja masavych biesparadkaŭ» z pryčyny «adsutnaści ŭ dziejańni składu złačynstva». Pra heta jon paviedamiŭ u svaim fejsbuku.
«Ščyra skazać, ja b mienš ździviŭsia, kab mianie pasadzili iznoŭ. Treba pryznać, stvorany 20 sakavika adździeł fantastyki HB spracavaŭ niestandartna. Miesiac pratrymać pa turmach i zajavić: «u vašych dziejańniach niama składu złačynstva» — takoha, na majoj pamiaci, z KDB jašče nie zdarałasia. Heta naša ahulnaja nievialikaja pieramoha. A vialikaja budzie tady, kali ŭsie zatrymanyja pa «spravie patryjotaŭ» atrymajuć hetkija ž papierki. Zaŭtra pajdu zabirać 16 kanfiskavanych bieł-čyrvona-biełych ściahoŭ i baner «Pahoni». Žyvie Biełaruś!» — napisaŭ jon.
Siońnia ž stała viadoma pra spynieńnie kryminalnaj spravy ŭ dačynieńni da Siarhieja Palčeŭskaha.