Top-10 navykaŭ, jakija bolš nie patrabujucca čałavieku dziakujučy sučasnym technałohijam
14.06.2017 / 08:21
Nie sakret, što sučasnyja technałohii robiać žyćcio čałavieka bolš kamfortnym, zručnym i biaśpiečnym. Navat Biełaruś, jakaja pakutuje ad piermanientnych finansavych kryzisaŭ i ekanamičnaj stahnacyi, adčuła pazityŭny ŭpłyŭ technałahičnych raspracovak. Ale technałohii prynosiać čałavieku nie tolki zručnaść i kamfort — niekatoryja navyki, jakimi jon karystaŭsia, stanoviacca prosta niepatrebnymi. My skłali top-10 navykaŭ, jakija bolš nie patrebnyja sučasnamu čałavieku dziakujučy samym novym technałohijam.
Zapaminańnie telefonnych numaroŭ
Zdajecca, jašče nie tak daŭno my trymali ŭ pamiaci ŭsie telefonnyja numary, na jakija čaściej za ŭsio telefanavali. Zvyčajna čałaviek pamiataŭ telefonnyja numary svaich baćkoŭ, siabroŭ ci niejkich słužbaŭ, jakimi jon časta karystajecca. Ciapier u hetym niama nijakaj nieabchodnaści. Vy možacie i nie pamiatać numar svajho siabra — dastatkova zajści ŭ telefonnuju knihu svajho smartfona.
Padliki ŭ hałavie
Zdolnaści ažyćciaŭlać matematyčnyja apieracyi ŭ hałavie pačali paharšacca ŭ ludziej sa źjaŭleńniem mikrakalkulataraŭ. Hetaja tendencyja tolki paskoryłasia, kali kalkulatary źjavilisia ŭ kožnym mabilnym telefonie.
Pošuk daviedačnaj infarmacyi ŭ encykłapiedyjach
Encykłapiedyi nikudy nie źnikli, prosta jany źmianili svaju formu i pierajšli ŭ internet. Amal usiu infarmacyju, jakuju vy šukajecie, možna «zahuhlić» ci znajści ŭ Vikipiedyi.
Vyvučeńnie zamiežnych moŭ
Viedać adnu ci niekalki zamiežnych moŭ pa-raniejšamu karysna i prestyžna. I my nie chočam vas ad hetaha adhavorvać. Ale ŭžo ciapier vy možacie z dapamohaj anłajn-pierakładčykaŭ zrazumieć tekst, jaki napisany na movie, jakuju vy raniej navat nie vyvučali. Chutčej za ŭsio, u takim pierakładzie buduć niedakładnaści ci navat surjoznyja pamyłki, ale ahulnuju dumku tekstu vy ŭsio roŭna zrazumiejecie — i heta niejmavierna!
Adpraŭka listoŭ i paštovak
Kali ŭ apošni raz vy dasyłali svajmu siabru paštoŭku? Škada, ale dastupnaja telefonnaja suviaź, sacyjalnyja sietki i miesiendžary zrabili hety sposab kamunikacyi ekzatyčnym i ŭžo nie takim papularnym.
Dobry počyrk
Amal usie dakumienty ciapier nabirajucca i zapaŭniajucca na kampjutary. Usio mienš i mienš my pišam šarykavaj ručkaj, i heta nie moža nie ŭpłyvać na naš počyrk.
Pravapis
Z adnaho boku, smartfony majuć ubudavanyja słoŭniki, što robić našy paviedamleńni pravilnymi, biez pamyłak pravapisu. Ź inšaha boku, my pierastajom dumać nad tym, jak napisać toje ci inšaje słova i spadziajomsia tolki na aŭtakarekcyju.
Druk papiarovych fatahrafij
Raniej vy tydniami mahli čakać, pakul supracoŭniki fotasałona zrobiać niekalki fotazdymkaŭ z vašaha siamiejnaha adpačynku. Ciapier u hetym niama takoj nieabchodnaści. Sučasnyja fotaaparaty i smartfony dazvalajuć adrazu pabačyć i zachavać svoj zdymak.
Aryjentavańnie na kartach
Viadoma, papiarovyja karty nie źnikli i naŭrad ci całkam źniknuć (jak i papiarovyja fatahrafii). Ale navyki aryjentavańnia na papiarovych kartach stanoviacca amal niepatrebnymi. Isnuje vialikaja kolkaść mabilnych kartahrafičnych servisaŭ (Google Maps, MAPS.ME, Jandieks.Karty), jakija prakładvajuć maršrut i pakazvajuć kirunak.
Flirt i pošuk partnioraŭ
Bolš niama patreby šukać zacikaŭlenyja pohlady patencyjnaha partniora, ź jakim možna było b pajści na spatkańnie. Tinder, jaki stanovicca ŭsio bolš papularnym u Biełarusi, źmianiaje i hetuju śfieru našaha žyćcia.