Śledčy kamitet papiaredziŭ amataraŭ virtualnaha seksu
15.06.2017 / 14:15
Upraŭleńniem Śledčaha kamiteta pa Minsku na praciahu miesiaca raspačata niekalki kryminalnych spraŭ pa padazreńni ŭ ździajśnieńni vymahalnictva praź interniet.
Va ŭsich vypadkach abstaviny ździajśnieńnia złačynstvaŭ identyčnyja. Złamyśnik, jak praviła ad imia dziaŭčyny, z dapamohaj sacyjalnych sietak ŭstupaŭ u internet-pierapisku z mužčynami i prapanoŭvaŭ im zaniacca virtualnym seksam.
Dalej znosiny adbyvałasia ŭ prahramie Skype. Pry hetym, biez atrymańnia na heta zhody paciarpiełaha, vioŭsia zapis razmovy. Zatym paciarpiełamu paviedamlałasia ab nieabchodnaści pieraličeńnia hrošaj na elektronnyja kašalki roznych apłatnych sistem, sumaj kala $100. U vypadku admovy, złamyśnik pahražaŭ vykłaści zapis dla ahulnaha dostupu.
Pryčym, navat kali hrošy pieraličvali, videafajły va ŭsich vypadkach pierasyłalisia inšym karystalnikam sacyjalnych sietak.
Śledčyja paviedamlajuć, što rehistracyja i kiravańnie elektronnymi kašalkami, na jakija pieraličvalisia hrošy, ažyćciaŭlalisia z terytoryi Ukrainy.
U ciapierašni čas śledčymi sumiesna z apieratyŭnymi supracoŭnikami Ministerstva ŭnutranych spraŭ pravodzicca kompleks mierapryjemstvaŭ, nakiravany na ŭstalavańnie asoby i miescaznachodžańnia padazravanaha. Jaho dziejańni kvalifikavanyja jak vymahalnictva. Złačyncu pahražaje da 5 hadoŭ pazbaŭleńnia voli.