Alaksiej Šein staŭ łaŭreatam premii «Jeŭrakon» z knihaj «Siem kamianioŭ»
20.06.2017 / 22:15
Stali viadomyja vyniki mižnarodnaj premii Jeŭrakon-2017. U naminacyi «Kryzalis», jakuju ŭručajuć diebiutantam, sudździ adznačyli aŭtara pieršaha biełaruskaha fentezi Alaksieja Šeina za padletkavy raman «Siem kamianioŭ». Pra heta ŭ fejsbuku paviedamiŭ sam piśmieńnik.
Dadzienaja ŭznaharoda ŭručajecca z 1972 hoda Jeŭrapiejskim tavarystvam navukovaj fantastyki (European Science Fiction Society), kudy ŭvachodziać jak prafiesijnyja piśmieńniki-fantasty, tak i amatary fantastyki. Ciapier u ESFS uvachodziać 22 jeŭrapiejskija krainy.