Suprać Maryny Lo Pen raspačali rasśledavańnie pra złoŭžyvańni
Francuzskija ŭłady abviaścili pra pačatak aficyjnaha rasśledavańnia ŭ dačynieńni da lidara ultrapravaj partyi «Nacyjanalny front» Maryny Lo Pen. Jaje padazrajuć u złoŭžyvańni davieram.
30.06.2017 / 18:16
Fota: AFP
Jak paviedamiŭ ahienctvu Frans pres advakat Lo Pen, abvinavačvańni źviazanyja z apłataj jaje pamočnikaŭ sa srodkaŭ Jeŭraparłamienta. Pavodle dadzienych francuzskaj prakuratury, paplečniki Lo Pen pa partyi niezakonna vydatkavali na hetyja mety miljony jeŭra.
U lutym prakuratura Francyi vyłučyła papiarednija abvinavačvańni suprać paplečnika Maryny Lo Pen. Pa viersii śledstva, biznesmien Frederyk Šatyjon pradastaviŭ partyi niezakonnuju pazyku.
Raniej bližejšamu pamočniku lidara «Nacyjanalnaha frontu» Kaciarynie Hryzie byli pradjaŭlenyja abvinavačvańni ŭ atrymańni hrošaj u ramkach inšaha rasśledavańnia.
Niezadoŭha da hetaha ŭ štabie hetaj ultrapravaj partyi prajšoŭ pieratrus pa spravie ab vydatkoŭvańni srodkaŭ Jeŭraparłamienta.
Partyja admaŭlaje dačynieńnie da machinacyj, a sama Maryna Lo Pen nazyvaje abvinavačvańni palityčnymi i matyvavanymi.
Maryna Lo Pen była adnym z hałoŭnych kandydataŭ na pasadu prezidenta Francyi. Jana zdoleła vyjści ŭ druhi tur, dzie ź vialikim razryvam prajhrała centrystu Emanuelu Makronu.