Łaviŭ much pad psichatropami: zatrymali mužčynu, jaki hramiŭ mašyny VIDEA
11.07.2017 / 13:14
U dvary pa vulicy Łabanka ŭ Minsku zatrymali mužčynu ŭ nieadekvatnym stanie — jon štości kryčaŭ, machaŭ pałkaj i biŭ joj pa aŭtamabilach. Zatrymali mužčynu vidavočcy.
Na miesca vyjazdžali supracoŭniki milicyi. Jak raspaviali AUTO.TUT.BY u Frunzienskim RAUS, zatrymanym akazaŭsia minčanin 47 hadoŭ, raniej nie sudzimy. Pavodle papiaredniaj infarmacyi, jon znachodziŭsia pad dziejańniem psichatropaŭ - raniej za heta jon nie pryciahvaŭsia. Ciapier mužčyna znachodzicca ŭ špitali - ź im pracujuć miedyki. Mužčyna paśpieŭ paškodzić dva aŭto - u adnaho ź ich vybita zadniaje škło, u druhim paškodžany kapot. Pa infarmacyi tut.by, u mužčyny - atručeńnie psichatropami i jon pałkaj «łaviŭ much».