Minadukacyi, maŭlaŭ, ciapier nia suprać
vykładańnia historyi Biełarusi pa-biełarusku ŭ rasiejskamoŭnych škołach. Sprava za baćkoŭskimi zajavami.
25.08.2008 / 17:19
Ministerstva adukacyi adkazała na zvarot Tavarystva biełaruskaj movy imia Franciška Skaryny nakont movy vyvučeńnia historyi ŭ ahulnaadukacyjnych ustanovach. U zhadanym liście namieśnik ministra adukacyi Kazimier Faryna, spasyłajučysia na zakony «Ab adukacyi» i «Ab movach», adznačaje: «U škołach z rasiejskaj movaj navučańnia hety vučebny pradmiet moža vyvučacca na rasiejskaj abo biełaruskaj movie. Rašeńnie prymajecca miascovymi vykanaŭčymi i rasparadčymi orhanami z ulikam pažadańniaŭ vučniaŭ abo ich zakonnych pradstaŭnikoŭ». To bok sprava za baćkoŭskimi zajavami.
TBM ad 2006 h. dabivaŭsia prava vykładać historyju Biełarusi pa-biełarusku ŭ rasiejskamoŭnych škołach. Raniej Tavarystva atrymlivała ad Minadukacyi ćviordaje «nie» ŭ adkaz.
Apošni zvarot byŭ spačatku nakiravany namieśnicy kiraŭnika Administracyi prezydenta Natalli Piatkievič, adznačaje kiraŭnik TBM Aleh Trusaŭ.