Biełaruskija školniki zavajavali čatyry miedali na mižnarodnaj alimpijadzie pa chimii
Ad 6 pa 15 lipienia ŭ Tajłandzie prachodziła 49-ja Mižnarodnaja chimičnaja alimpijada. Biełaruskija školniki pryvieźli adtul čatyry miedali — try «srebry» i adnu «bronzu», paviedamlaje tut.by.
16.07.2017 / 18:39
Sioleta za ŭznaharody zmahalisia 297 udzielnikaŭ z 76 krain śvietu. Jany razyhrali pamiž saboj 36 załatych, 65 siarebranych i 95 bronzavych miedaloŭ.
Bronzavy miedal biełaruskaj kamandzie prynios vypusknik Liceja BDU Raman Mazur. Siarebranyja miedali zavajavali Alaksiej Charłap (himnazija № 2 Babrujska) i Alaksiej Harachoŭski (himnazija № 29 Minska). Najlepšy vynik u kamandzie pakazała dziesiacikłaśnica Palina Bułaŭskaja (Licej BDU), jakaja taksama trapiła ŭ lik srebnych pryzioraŭ.
Na spabornictvie školniki vykonvali zadańni praktyčnaha i tearetyčnaha turaŭ.
Naprykład, udzielnikam treba było vymierać kisłotnaść vady z dapamohaj kisłotna-asnoŭnych indykataraŭ i śpiektrafotamietryčnych vymiareńniaŭ ci vyznačyć kancentracyju rastvoru ijadatu kałija.