Пабыў на волі пяць дзён, скраў чатыры кофты
22.07.2017 / 09:12
18 ліпеня ў міліцыю патэлефанаваў прадпрымальнік з Маладзечна. Ён паведаміў, што з магазіна дзіцячага адзення скралі чатыры джэмперы для дзяўчынак.
На месцы супрацоўнікі міліцыі паглядзелі відэа з камеры назірання і ўбачылі, што рэчы забраў мужчына.
У ходзе працы высветлілі, што злодзей — жыхар Вілейкі. Мужчына пяць дзён таму вярнуўся з турмы.
Затрымалі яго дома. Скрадзенае адзенне мужчына прадаў за 20 рублёў, а грошы патраціў.