Абама афіцыйна стаў кандыдатам у прэзыдэнты ЗША
Ён стаў першым у гісторыі афраамэрыканцам, які прэтэндуе на Белы Дом ад адной з галоўных партый.
28.08.2008 / 10:31
Барак Абама афіцыйна вылучаны кандыдатам у прэзыдэнты ЗША ад Дэмакратычнай партыі. Ён стаў першым у гісторыі афраамэрыканцам, які прэтэндуе на Белы Дом ад адной з галоўных партый.
Рашэньне было прынята на зьезьдзе Дэмакратычнай партыі ў Дэнвэры.
Вылучэньне Абамы павінна было праходзіць у форме галасаваньня прадстаўнікоў штатаў.
Але былы супернік сэнатара ад Ілінойсу Хілары Клінтан заклікала зьезд без галасаваньня прыняць кандыдатуру Абамы, і была падтрымана дэлегатамі.
Прэзыдэнцкія выбары пройдуць у ЗША 4 лістапада. Супрацьстаяць Абаму будзе кандыдат ад Рэспубліканскай партыі Джон Маккейн.