Pryjemnaha adpačynku: tempieratura vady ŭ Krymie apuściłasia da 9 hradusaŭ. Čamu?
Karystalniki forumaŭ abmiarkoŭvajuć rezkaje źnižeńnie tempieratury vady ŭ Čornym mory la bierahoŭ Kryma. U niekatorych miescach jana apuściłasia da 9°C.
31.07.2017 / 17:12
Internet-resurs watsen.info, jaki adlustroŭvaje tempieraturu vady na plažach Kryma, vydaje nastupny hrafik źmianieńnia tempieratury vady za minuły tydzień u Farosie:
Bačna, što ŭ noč z 29 na 30 lipienia sapraŭdy adbyłosia mocnaje padzieńnie tempieratury vady ad 25°C da amal 9°C.
Z čym heta źviazana?
Miarkujučy pa ŭsim, usia sprava ŭ apvelinhu.
Apvelinh, abo padjom, — heta źjava, kali bolš chałodnyja hłybinnyja vody akijana ŭzdymajucca da pavierchni, zamiaščajučy saboj dobra prahretyja pavierchnievyja vody.
Na malunku bačna, jak dahary padymajucca chałodnyja hłybinnyja vody, a ciopłyja pavierchnievyja adychodziać ad bieraha. Malunak: WeatherFlow.com
Čaściej za ŭsio apvelinh nazirajecca la zachodnich miežaŭ macierykoŭ, ale, jak vyklučeńnie, moža sustrakacca ŭ lubym rajonie suśvietnaha akijana. Źjava jość vielmi niepraciahłaj, ale kab vada znoŭ dobra prahrełasia, patrebny niekatory čas.
* * *
Nahadvajem, što ŭjezd na terytoryju akupavanaha Kryma praź inšyja dziaržavy supiarečyć zakonam Ukrainy. Traplajučy na terytoryju paŭvostrava praz Rasiju, vy možacie być uklučanyja ŭ śpis asobaŭ, jakim zabaronieny ŭjezd va Ukrainu.