У Слуцку мужчына зваліўся з ровара, парэзаў горла і памёр
10.08.2017 / 14:18
У Слуцку мужчына зваліўся з ровара і загінуў. Як мяркуецца, смерць наступіла ад раны з пашкоджаннем соннай артэрыі, паведамілі SlutskGorod ў Дзяржаўным камітэце судовых экспертыз.
Няшчасны выпадак адбыўся 4 жніўня каля чыгуначнага пераезду ў вёсцы Навадворцы. Мінакі пабачылі труп мужчыны.
Падчас агляду цела спецыяліст Дзяржаўнага камітэта судовых экспертыз выявіў на шыі рану з пашкоджаннем агульнай соннай артэрыі, што, як мяркуецца, стала прычынай смерці.
Праводзяцца экспертызы.