Siaredni zarobak u Polščy pierasiahnuŭ tysiaču jeŭra
19.08.2017 / 13:12
Siaredni zarobak u Polščy ŭ lipieni vyras na 4,9% proci minułaha hoda. Pra heta painfarmavała Hałoŭnaje statystyčnaje ŭpraŭleńnie.
Pa źviestkach viedamstva, siaredniaja zarpłata ŭ lipieni skłała 4 tys. 502 złotych, abo 1 tys. 54 jeŭra.
Akramia taho, analityki Hałoŭnaha statystyčnaha viedamstva adznačajuć, što zaniataść u pradprymalnickim siektary ŭ lipieni vyrasła na 4,5% u paraŭnańni ź minułym hodam.
«Heta śviedčyć ab tym, što situacyja na rynku pracy spryjaie rabotnikam. Firmy ŭ dalejšym chočuć pracaŭładkoŭvać ludziej, choć časam majuć prablemy z tym, kab znajści adpaviednyja kadry», — adznačyŭ ekanamist banka Bank Zachodni WBK Piotr Bialecki.
Ekśpiert miarkuje, što infarmacyja pra ŭzrovień zarabotnaj płaty pavinna być acenienaja stanoŭča. Pry hetym ekanamist padkreśliŭ, što hetyja ličby adnosiacca tolki da peŭnych sfier ekanomiki.