Лукашэнка сёння выступіць на Рэспубліканскай педагагічнай нарадзе

24.08.2017 / 07:29

У Мінску сёння пройдзе пленарнае пасяджэнне Рэспубліканскай педагагічнай нарады. Удзел у ёй возьме Аляксандр Лукашэнка.

На мерапрыемства запрошаны больш за 800 чалавек, у тым ліку вышэйшыя службовыя асобы, кіраўнікі органаў дзяржкіравання, мясцовай вертыкалі ўлады ды інш.

Сярод пытанняў, што абмяркоўваюцца, пераход на ўсеагульную сярэднюю адукацыю, скарачэнне набору ў ВНУ, магчымае вяртанне пяцібальнай сістэмы ацэнкі ведаў. Не выключана, што будзе ўзнята пытанне пра пачатак школьных заняткаў.