Miesiačnaja norma apadkaŭ vypała ŭ Šarkaŭščynie za paŭtara sutak

24.08.2017 / 10:25

Miesiačnaja norma apadkaŭ vypała ŭ Šarkaŭščynie Viciebskaj vobłaści za minułyja paŭtara sutak.

U Viciebskaj vobłaści było syroje vosieńskaje nadvorje. Pa bolšaj častcy terytoryi adznačalisia mocnyja daždžy.

«Za ŭčorašnija sutki (23 žniŭnia) i ciapierašniuju noč u vobłaści vypała ad 39 da 64 mm apadkaŭ. Bolš za ŭsio apadkaŭ u Šarkaŭščynie — miesiačnaja norma. Dźvie dekadnyja normy vypali ŭ Jeziaryščy, Łyntupach, Połacku, Sianno, Oršy. Što tyčycca abłasnoha centra, to tut adznačana paŭtary dekadnyja normy. Prykładna stolki ž apadkaŭ vypała ŭ Dokšycach, Lepieli i na terytoryi Biarezinskaha zapaviednika», — raspaviali ŭ abłhidramiecie.

Pry hetym davoli chaładnavata - tempieraturny fon na 1-4 hradusy nižej normy.

BiełTA