Biełaruskuju AES abaroniać ad dronaŭ

Terytoryja Biełaruskaj AES budzie abaronienaja ad bieśpiłotnych latalnych aparataŭ, paviedamiŭ namieśnik ministra enierhietyki Michaił Michadziuk, pieradaje BiełTA.

26.08.2017 / 07:01

Dron — bieśpiłotny latalny aparat, da jakoha možna macavać fota- abo videakamieru i kiravać z dapamohaj kampjutara. Fota: chezasite.com

«Što tyčycca dronaŭ, to adpaviednyja słužby i śpiecyjalisty siońnia padrabiazna zajmajucca hetym pytańniem, kab prymać adpaviednyja miery ŭ dačynieńni da bieśpiłotnych latalnych aparataŭ», — adznačyŭ Michaił Michadziuk.

Pavodle słovaŭ namieśnika ministra, kanstrukcyja Biełaruskaj AES taksama praduhledžvaje nadziejnuju abaronu ad padzieńnia samalota abo jaho častak.

Nahadajem, pieršy enierhabłok AES u Astraŭcy płanujecca ŭvieści ŭ ekspłuatacyju u 2019 hodzie, druhi — u 2020-m.