U niekatorych škołach prapanujuć płatnuju «niedadlonku»
05.09.2017 / 18:24
Novuju płatnuju praktyku ŭvodziać, u pryvatnaści, u Barysavie. Škoły prapanujuć addavać dziaciej małodšych kłasaŭ u płatnyja hrupy. Heta datyčyć tych dziaciej, čyje baćki pačynajuć pracavać raniej za čas pačatku zaniatkaŭ — a z novaha navučalnaha hodu heta pieravažna 9:00.
Za paŭtary hadziny znachodžańnia ŭ takoj hrupie «niedadlonki» — 2,38 rubla za čałavieka, za hadzinu — 1,88.
«Ź dziećmi ŭ hety čas budzie zajmacca psichołah, chareohraf… Rabota spartyŭnych załaŭ budzie arhanizavana», — apisała nam zavuč adnoj sa škoł, čym u hety čas buduć zajmacca dzieci.
Faktyčna, kaža jana, heta jak płatnyja fakultatyvy.
Minskija škoły, ź jakimi my źviazvalisia, «jašče dumajuć», ci varta im uvodzić takija płatnyja pasłuhi.