Ułady razdavali i hruzinskija, i rasiejskija ściahi
abnaŭlajecca; dadalisia foty i videa
Haspadary placoŭki vystupili prymiralnikami susiedziaŭ-vorahaŭ. Pierad matčam razdavali štandary i Hruzii, i Rasiei, a taksama čyrvona-zialonyja. BRSM pryjšoŭ ź plakatami «Russkije i hruziny – štyki v ziemlu!» i «No War».
05.09.2008 / 15:16
BRSM byŭ padkreślena neŭtralny.
Futboł byŭ siaki-taki, i na trybunach abyšłosia biaz skvaru,
choć zaŭziataraŭ z Rasiei napryjaždžała niamała.
My - biełarusy, mirnyja ludzi...
Haspadary placoŭki vystupili prymiralnikami susiedziaŭ-vorahaŭ. Pierad matčam razdavali ściahi i Hruzii, i Rasiei, a taksama čyrvona-zialonyja. BRSM pryjšoŭ ź plakatami «Russkije i hruziny – štyki v ziemlu!» i «No War».
Rasiejskaja moładzievaja zbornaja pa futbole razhramiła kamandu Hruzii na neŭtralnym poli: 4:0. Futboł byŭ siaki-taki, zatoje adna z bojek na poli była piakielnaj. A voś na trybunach abyšłosia biaz skvaru, choć zaŭziataraŭ z Rasiei napryjaždžała niamała, a matču papiaredničała šavinistyčnaja kampanija ŭ Necie.
Uličvajučy ryzyki, milicyja pieraniesła matč na śvietły čas, 16-ju hadzinu.
Niebiaśpieki kanfliktaŭ sapraŭdy byli. Kali rasiejskija zaŭziatary padniali dziasiatak trykaloraŭ napačatku hulni, to biełarusy hruzinskaha pachodžańnia i praciŭniki rasijskaha ŭvarvańnia ŭ Hruziju pryjšli sa ściahami śviatoha Jurja. Taksama ad pačatku łunali i dziaržaŭnyja ściahi Biełarusi. Kali ludzi pabačyli, što milicyja za ściahi nie chapaje, ich stała bolšać. Da taho ž, ściahi školnikam razdavali ichnyja nastaŭniki, zachoŭvajučy niekim vyznačanyja praporcyi. Pad kaniec matču biełaruskich i rasijskich stała pa štuk tryccać, a hruzinskich - kala piatnaccaci.
Štandary dazvalałasia čaplać tolki na plastykavyja vudy – dreŭki adbiraŭ specnaz.
Cikava, što BRSMaŭcaŭ źvieźli na hulniu z transparantami: «My za mir», «Russkije i hruziny – štyki v ziemlu!», «Russkije i hruziny – druźja navieki!», «No War», «My – s vami, my – siła!».
Sahnanym školnikam usio heta było małacikava, i paśla pieršaha tajmu z paŭtysiačy čałaviek sprabavali ŭciačy, ale ich zapynili nastaŭniki.
Idealahičnaja vertykal vyrašyła ichnymi siłami pravieści zaniatak pa družbie narodaŭ dla haściej z uschodu.