U Dziaržynskim rajonie pry sutyknieńni lehkavikoŭ zahinuli dva čałavieki

08.09.2017 / 17:20

Dva čałavieki zahinuli pry sutyknieńni lehkavikoŭ u Dziaržynskim rajonie, paviedamili BJeŁTA va UDAI UUS Minabłvykankama.

Fota ŭpraŭleńnia DKSE pa Minskaj vobłaści

Siońnia kala 12.50 pablizu v. Putčyna Dziaržynskaha rajona sutyknulisia dva lehkavyja aŭtamabili marki «Falksvahien Pasat».

«U vyniku avaryi na miescy zdareńnia zahinuli dva čałavieki. Jašče čacviora z traŭmami roznaj stupieni ciažkaści dastaŭlenyja ŭ balnicu. Pa fakcie DTZ pravodzicca pravierka», — prainfarmavali va UDAI.

Ekśpiertam-aŭtatechnikam treba budzie vyznačyć miesca i vuhał sutyknieńnia mašyn adnosna miežaŭ prajeznaj častki, a taksama techničny stan aŭto na pradmiet najaŭnaści niaspraŭnaściaŭ, u tym liku tych, jakija isnavali da momantu avaryi.

Dziaržaŭtainśpiekcyja Minskaj vobłaści nastojliva rekamienduje kiroŭcam być vielmi ŭvažlivymi za rulom, nie adciahvacca i vykonvać chutkasny režym, kab paźbiehnuć DTZ.