Іспанскі суддзя ўхіліўся ад футбольнага мяча ў стылі герояў «Матрыцы» ВІДЭА
20.09.2017 / 10:54
Іспанскі арбітр Рыкарда Бенгаэчэа эфектна ўхіліўся ад мяча падчас гульні нацыянальнага чэмпіянату паміж «Жыронай» і «Севільяй». Відэа з'явілася ў Twitter-акаўнце Drafts.
У пачатку сустрэчы гулец «Севільі» паслізнуўся падчас выканання перадачы, мяч паляцеў у бок Бенгаэчэа. Рэферы адхіліўся назад (так галоўныя героі фільма «Матрыца» ўхіляліся ад куль), такім чынам унікнуўшы ўдару ў галаву.
Матч, які адбыўся 17 верасня, завяршыўся перамогай «Севільі» з мінімальным лікам 1:0.