U Mazyrskim rajonie valščyka lesu zabiła staroje dreva
20.09.2017 / 15:49
U Mazyrskim rajonie z-za paddzieńnia staroha dreva zahinuŭ valščyk lesu, paviedamiła BJeŁTA aficyjny pradstaŭnik Śledčaha kamiteta Maryja Kryvanohava.
Niaščasny vypadak adbyŭsia 14 vieraśnia. Valščyka lesu Mazyrskaha rajžyłkamhasa nakiravali ŭ Ramanavicki lashas. «45-hadovy mužčyna adyšoŭ ad miesca vysiečki, i ŭ hety momant na jaho ŭpała staroje suchoje dreva. Ad atrymanych traŭmaŭ jon pamior jašče da prybyćcia chutkaj dapamohi», - skazała Maryja Kryvanohava.