Čarhovy Tydzień biełaruskaj kuchni projdzie z 25 vieraśnia pa 1 kastryčnika

20.09.2017 / 16:50

Tydzień biełaruskaj kuchni projdzie ŭ 15-y raz z 25 vieraśnia pa 1 kastryčnika, paviedamili ŭ Hałoŭnym upraŭleńni spažyvieckaha rynku Minharvykankama.

Pakaštavać stravy nacyjanalnaj kuchni možna budzie ŭ 80 kafe i restaranach stalicy. Usie jany roznyja pa typie i farmacie, adnak ich abjadnoŭvaje ideja papularyzacyi nacyjanalnaj kuchni i raźvićcia kultury charčavańnia. Hałoŭnym adroźnieńniem jubilejnaha Tydnia biełaruskaj kuchni stanie kolkaść straŭ. Ich budzie 6 — samyja papularnyja, jakija karystalisia maksimalnym popytam u haściej za čas praviadzieńnia ŭsich papiarednich tydniaŭ nacyjanalnaj kuchni.

Pakaštavać minčukam i haściam stalicy prapanujuć:

• kuryny rulet z małasolnymi ahurkami: 100/100/30/6 — 4 rub. 50 kap.;
• harbuzovy sup z kurycaj i hrenkami: 300/30/15/1 — 3 rub. 50 kap.;
• piačysta z padliŭkaj i piečanaj harodninaj:150/220/60/40/1 — 9 rub. 50 kap.;
• smažanina pa-viaskovamu ź blinami: 200/150/30/1 — 8 rub. 50 kap.;
• chruščy tvarožnyja ź miodam: 200/5/30 — 3 rub. 50 kap.;
• mors žuravinavy: 200 mł — 1 rubiel.

Usie stravy buduć hatavacca pa adzinaj receptury i pradavacca pa adnolkavych cenach. Śpis ustanoŭ, jakija ŭdzielničajuć u akcyi, tut.