U Barsiełonie pracuje pieršy ŭ śviecie bardel z robatami-prastytutkami FOTA
U lutym hetaha hoda u Barsiełonie adkryŭsia pieršy publičny dom, u jakim klijentaŭ absłuhoŭvajuć robaty-prastytutki. U dalejšym kampanija płanuje pašyryć svaju dziejnaść pa ŭsim śviecie, paviedamlaje The Sun.
25.09.2017 / 12:40
Fota tut i nižej: Lumidolls
Publičny dom znachodzicca la papularnych turystyčnych miescaŭ. Tut hości mohuć zadavolić samyja niezvyčajnyja seksualnyja fantazii z dapamohaj žančyn-robataŭ. Niekatoryja z naviedvalnikaŭ kažuć, što ź ciažkaściu mohuć adroźnić, chto pierad imi: miechaničnaja lalka ci sapraŭdnaja žančyna.
Kampanija buduje ambicyjnyja płany pa raspaŭsiudžvańni svajoj franšyzy, a heta značyć, što padobnyja bardeli chutka mohuć źjavicca i ŭ inšych bujnych haradach.
«My ŭžo viadziem pieramovy ź niekatorymi zacikaŭlenymi inviestarami, ale pakul što nie zaklučali nijakich pahadnieńniaŭ», — paviedamiŭ pradstaŭnik Lumidolls.
Na sajcie bardela paviedamlajecca, što ŭsie robaty staranna dezynfikujucca antybakteryjalnym myłam paśla kožnaha prymianieńnia. Tym nie mienš haściam usio ž rekamiendujuć karystacca preziervatyvami. A jašče naviedvalniki mohuć vybrać adzieńnie dla lalki na svoj hust i pahladzieć razam ź joj porna.
Hipierrealistyčnyja robaty Lumidolls zroblenyja z termapłastyčnaha ełastamieru — materyjału, jaki vałodaje asablivaj miakkaściu, z-za čaho ich «skura» pa adčuvańni vielmi nahadvaje sapraŭdnuju čałaviečuju.
Ceks-lalki možna nabyć i dla chatniaha karystańnia. Košt adnaho robata — kala dźviuch tysiač dalaraŭ.
Fota: The Sun