Siońnia ŭ Jeŭropie moža źjavicca novaja niezaležnaja dziaržava, ale ŭsio vielmi napružana
30.09.2017 / 22:13
Ściah katałonskich niezaležnikaŭ.
1 kastryčnika Katałonija pravodzić refierendum ab niezaležnaści. Redkaja situacyja: narod sprabuje adździalicca ŭ demakratyčnaj dziaržavie Jeŭrasajuza.
Čytajcie taksama na katałonskim partale: EN DIRECTE: Recta final per al referèndum
Katałoncy — asobny narod sa svajoj movaj i daŭnimi tradycyjami. I adzin z samych ekanamična raźvitych rehijonaŭ Ispanii.
Vialikabrytanija i Kanada ŭ svoj čas dazvalali Šatłandyi i Kviebieku pravieści plebiscyty pra vychad — i niezaležniki prajhravali.
Šviecyja ŭ svoj čas dazvoliła Narviehii adździalicca biaskroŭna.
Čechija i Słavaččyna mirna razyšlisia pry Vacłavie Haŭle.
A voś raspad Juhasłavii byŭ kryvavym.
Hetym razam u Katałonii bolšaść mahła prahałasavać za niezaležnaść, i Madryd vybraŭ siłavy varyjant. U Barsiełonu ściahnuli śpiecnaz ź inšych rehijonaŭ Ispanii. Palicyja zładziła palavańnie na biuleteni. Byli zabłakavanyja 140 sajtaŭ ź infarmacyjaj pra refierendum. Palicyja zaniała telekamunikacyjny centr u Barsiełonie.
Katałoncy adkazvajuć niehvałtoŭnym supracivam. Ludzi načujuć u škołach, dzie maje prajści hałasavańnie. Uviečary ŭ piatnicu ŭ Barsiełonie na bulvary Maryi Kryściny pierad haroj Monžuik adbyŭsia vialiki kancert niezaležnikaŭ, na jakim vieteran katałonskaj sceny Luis Ljak vykanaŭ znakamituju pieśniu L'Estaca.
Ciažka pradkazać vynik dnia. U dzień hałasavańnia palicyja sprabuje trapić na vybarčyja ŭčastki, vybivajučy dźviery, ludzi baroniać ich. Jość i pieršyja paciarpiełyja ŭ tych sutyknieńniach.
Katałoncam spahadajuć usie tyja narody, jakija sami jašče nie zdabyli niezaležnaści, abo jakim jašče pamiatnaja baraćba za jaje — składanaje zmahańnie, vyniku jakoha niemahčyma pradkazać.
{POLL#678}