Jak hučyć katałonski himn VIDEA
02.10.2017 / 12:04
Žyvym ščytom baroniačy ŭčastki dla hałasavańnia, katałoncy ŭčora masava i družna śpiavali svoj nacyjanalny himn.
Katałonski himn nazyvajecca Els Segadors (što aznačaje «Žniacy»).
Himn viartaje nas da padziej 1640 hoda, kali ŭ vyniku paŭstańnia na 12 hadoŭ była adnoŭlenaja niezaležnaść Katałonii, što zastałosia vialikim histaryčnym prykładam. Tyja padziei ŭ katałonskaj tradycyi nazyvajucca Guerra dels Segadors, «vajna žniacoŭ».
Himn byŭ zacvierdžany parłamientam u 1993 hodzie. Napisaŭ ža jaho kampazitar Fransesk Ałijo (Francesc Alió; 1862—1908) ŭ 1892 hodzie. Aŭtar litaraturnaj apracoŭki staroj narodnaj pieśni — Emili Huanijavenc (Emili Guanyavents, 1860—1941).
Voś pieršy kuplet i prypieŭ himna.
Catalunya triomfant,
tornarà a ser rica i plena.
Endarrera aquesta gent
tan ufana i tan superba.
Prypieŭ:
Bon cop de falç!
Bon cop de falç,
defensors de la terra!
Bon cop de falç!
Katałonija pieramoža,
znoŭ stanie bahataj i kvitniejučaj,
prahonić hetych pychlivych ludziej,
jakija nas nie pavažajuć.
Prypieŭ:
Bicie siarpami!
Bicie siarpami,
kraju abaroncy!
Bicie siarpami!