Prezientacyju biełaruskaha talera pieranieśli, bo čakajuć novaha dekreta Łukašenki
9 kastryčnika ŭ Minsku miełasia prajści pres-kanfierencyja stvaralnikaŭ pieršaje biełaruskaje kryptavaluty — talera. Ale padzieju pieranieśli prykładna na dva tydni.
10.10.2017 / 14:57
© pixabay.com
«Stvaralniki talera atrymali infarmacyju, što prezidencki dekret pad umoŭnaj nazvaj «PVT 2.0» moža być padpisany ŭ samy bližejšy čas. I ŭ im vielmi vialikaja ŭvaha budzie nadadzienaja libieralizacyi technałohij błokčejn. Adpaviedna, pres-kanfierencyja pieranosicca na niavyznačany termin — ale na joj, paśla padpisańnia Dekreta, u jakaści ekśpiertaŭ vystupiać u tym liku i raspracoŭščyki hetaha dakumienta», — paviedamlajecca na sajcie Pres-kłuba, dzie musiła adbycca pres-kanfierencyja.
Pry hetym stvaralniki Talera zapeŭnivajuć, što sama sistema ŭžo pracuje i pravodzić usie tranzakcyi.
Taler — ajčynny anałah suśvietnaj kryptavaluty «bitkojn». Šmat u jakich krainach vykarystańnie kryptavaluty zabaroniena zakonam. Biełaruskaja pravavaja baza ŭ hetym kirunku, jak płanujecca, budzie prapisanaja ŭ dekrecie «PVT 2.0».