Tramp maje namier admovicca ad płana «Čystaja enierhija» Baraka Abamy
10.10.2017 / 16:54
Administracyja prezidenta Trampa maje namier skasavać pryniataje Barakam Abamam zakanadaŭstva, zaklikanaje skaracić vykidy ŭ atmasfieru parnikovych hazaŭ ciepłaelektrastancyjami, paviedamlaje VVS.
Administratar Ahienctva pa achovie navakolnaha asiaroddzia ZŠA (EPA) Skot Pruit, jaki raniej padviarhaŭ sumnievu klimatyčnyja źmieny, zajaviŭ, što płan Abamy, jaki atrymaŭ nazvu «Čystaja enierhija», byŭ pieraboram.
Prezident Tramp, u svaju čarhu, addaŭ JERA rasparadžeńnie da sakavika pierapisać hetaje zakanadaŭstva.
Płan «Čystaja enierhija» zahadvaje štatam vykonvać patrabavańni pa skaračeńni vykidaŭ u atmasfieru dvuchvokisu vuhlarodu ŭ adpaviednaści z uzroŭniem spažyvanaj hetymi štatami enierhii.
Pruit zajaviŭ, što ŭžo ŭ aŭtorak padpiša ŭkaz ab zhortvańni hetaha płana.
«Vajna z vuhlom skončanaja, — paviedamiŭ u paniadziełak administratar JERA prysutnym na mitynhu ŭ horadzie Chazard, štat Kientuki. — Hety zakon na samaj spravie dzialiŭ ludziej na pieramožcaŭ i pieramožanych, a ŭłada nie pavinna vykarystoŭvać zakony dla padziełu ludziej na tych, chto vyjhraŭ, i tych, chto prajhraŭ».
Vuhal zamiest «čystaj enierhii»?
Raniej Pruit śćviardžaŭ, što płan «Čystaja enierhija» prymusić štaty addavać pieravahu adnaŭlalnym krynicam na rynku vytvorcaŭ elektraenierhii. U jakaści hienieralnaha prakurora Akłachomy jon pryniaŭ udzieł u padačy pazovu suprać hetaha zakanadaŭstva ad imia 27 štataŭ.
Rašeńniem Viarchoŭnaha suda ŭ lutym 2016 hoda zakanadaŭstva było pakinuta ŭ padviešanym stanie.
Pry prezidencie Abamu EPA zajaŭlała, što płan «Čystaja enierhija» zmoža praduchilić prystupy astmy ŭ 150 tys. dziaciej i 6600 zaŭčasnych śmierciaŭ.
Adnak, jak vynikaje z paviedamleńniaŭ u presie, jakaja daviedałasia pra čarnavik prapanovy ab admienie hetaha zakanadaŭstva, tam stavicca pad pytańnie karyść hetaha zakona dla zdaroŭja, na jakuju napalahała minułaja administracyja.
U hetym čarnaviku taksama, jak miarkujecca, śćviardžajecca, što na admienie zakanadaŭstva ab čystaj enierhii Amieryka moža zekanomić 33 młrd dalaraŭ.
Pa płanie «Čystaja enierhija» štaty pavinny byli adšukać mahčymaść da 2030 hoda źnizić vykidy parnikovych hazaŭ na 32% u paraŭnańni z uzroŭniem 2005 hoda.
Admova ad hetaha płana mocna ŭskładnić vykanańnie Złučanymi Štatami abaviazacielstvaŭ, pryniatych u adpaviednaści z Paryžskim pahadnieńniem pa klimacie — mižnarodnaj damovaj, padpisanaj Abamam i kiraŭnikami jašče amal 200 krain śvietu ŭ 2015 hodzie. Hety dahavor zaklikany abmiežavać vykidy ŭ atmasfieru parnikovych hazaŭ i spryjać baraćbie z hłabalnym paciapleńniem.
U červieni prezident Tramp daŭ zrazumieć, što hatovy vyjści z Paryžskaha pahadnieńnia, admoviŭšysia ad pryniatych jaho papiarednikam abaviazacielstvaŭ pa abaronie navakolnaha asiaroddzia.
U žniŭni administracyja Tramp padała ŭ AAN pieršaje apaviaščeńnie ab svaich płanach vyjści z hetaha dahavora.
Zrešty, hety žest byŭ rascenieny chutčej jak simvaličny, bo ni adna z krain, jakija žadajuć skasavać Paryžskuju damovu, nie moža aficyjna abjavić ab takim namiery raniej za 4 listapada 2019 hoda.
Paśla hetaha praces vychadu z damovy zajmaje jašče adzin hod, i, značyć, jon nie moža być zavieršany raniej, čym praź niekalki tydniaŭ paśla nastupnych prezidenckich vybaraŭ u ZŠA ŭ 2020 hodzie.
Zapłanavanaja admova ad płana «Čystaja enierhija» vyklikaŭ abureńnie siarod aktyvistaŭ achovy navakolnaha asiaroddzia.
Nacyjanalnaja rada pa achovie pryrodnych resursaŭ ZŠA (NRDC) navat pryhraziła padać na JERA u sud u vypadku, kali zakanadaŭstva budzie adklikanaje, a amierykanskaja pryrodaachoŭnaja arhanizacyja Śiera-kłub zajaviła, što kinie vyklik lubomu novamu zakanadaŭstvu, jakoje nie budzie adpaviadać amierykanskim zakonam pa baraćbie z zabrudžvańniem pavietra.
Pa słovach pradstaŭnicy Śiera-kłuba Mery En Chit, administracyja Trampa «stavić pad pahrozu biaśpieku našaha nasielnictva i jasna daje zrazumieć, što nie maje namieru abaraniać naš narod ad vielmi realnaj i nieminučaj pahrozy klimatyčnych źmienaŭ».