У Парыжы затрымалі расійскага мастака Пятра Паўленскага за падпал Банка Францыі
16.10.2017 / 11:25
У Парыжы затрымалі мастака і акцыяніста Пятра Паўленскага, які падпаліў будынак Банка Францыі (Banque de France). Фатаграфію Паўленскага на фоне палаючага банка апублікаваў у твітары фатограф Капуцын Анры.
У апісанні фатаграфіі агенцтва Divergence гаворыцца, што Паўленскі і неназваная жанчына падпалілі офіс Банка Францыі, заклікаўшы да «Вялікай Французскай рэвалюцыі», бо «банкіры занялі месца манархаў».