Samyja cikavyja FOTA i VIDEA novaj štab-kvatery Apple u vyhladzie kaśmičnaha karabla
Sioleta hałoŭny ofis kampanii Apple pierajazdžaje ŭ novy kompleks Apple Park, na ŭźviadzieńnie jakoha było patračana $5 miljardaŭ. Kompleks užo praktyčna hatovy: pasadžany drevy, pamiž jakimi ciapier prakładvajuć akuratnyja darožki, a ŭ dapamožnym budynku — Teatry imia Styva Džobsa — zusim niadaŭna praviali prezientacyju novych praduktaŭ kampanii.
20.10.2017 / 16:43
Pakul Apple jašče nie pradstaviła novy ofis žurnalistam, u nas jość mahčymaść pahladzieć na hety nievierahodny pa svaich maštabach i košcie kompleks dziakujučy entuziastam, jakija na praciahu ŭsiaho budaŭnictva nazirali za im z dapamohaj dronaŭ — bieśpiłotnych latalnych aparataŭ. My vybrali samyja cikavyja zdymki, kab vy mahli sami acanić maštaby hetaha hrandyjoznaha prajekta.
Usie drevy zvonku i ŭnutry kompleksu byli pryviezienyja na budaŭničuju placoŭku ŭžo darosłymi. Usiaho na terytoryi budzie pasadžana 9000 dreŭ, u tym liku abrykosy, jabłyni, ślivy i navat višni.
Adpačyć ad pracy supracoŭniki Apple zmohuć, pakataŭšysia na rovarach pa adpaviednych darožkach.
Na terytoryi kompleksu jość šmat inšych zonaŭ adpačynku. Na hetym fota bačnyja niedabudavanyja tenisnyja korty.
Na ŭsioj pavierchni dachu raźmieščanyja soniečnyja batarei. 100% usiaje enierhii Apple Park budzie atrymlivać mienavita ad ich.
Bolš padrabiazna razhledzieć unikalny komleks možna na samym śviežym videa, źniatym z drona.