Praca niekatorych maršrutaŭ transpartu ŭ Minsku źmienicca 28—29 kastryčnika

26.10.2017 / 20:37

U Minsku ŭ suviazi z asfaltavańniem vuł. Alibiehava na ŭčastku ad vuł. Ja. Bryla da vuł. Rafijeva (nie ŭklučajučy pierakryžavańni) i abmiežavańniem ruchu transpartu 28 i 29 kastryčnika, buduć uniesienyja źmieny ŭ trasy niekatorych maršrutaŭ hramadskaha transpartu, paviedamili ŭ DP «Minsktrans».

Tak, ruch tralejbusaŭ maršrutu №39 na ŭčastku ad vuł. Ja. Bryla da DS «Paŭdniovy Zachad» budzie arhanizavany pa prasp. Haziety «Źviazda», vulicy Hołubieva ŭ abodvuch kirunkach.

Praca tralejbusnaha maršrutu №25 budzie admienienaja.

Dla kampiensacyi źniataha tralejbusnaha ruchu arhanizujecca praca časovaha aŭtobusnaha maršrutu №25T «DS Kuncaŭščyna — DS Malinaŭka-4» pa dziejnaj trasie tralejbusnaha maršrutu №25.

U «Minsktransie» taksama raspaviali, što ŭ suviazi z asfaltavańniem vuł. Łandera na ŭčastku ad vuł. Kazinca da razvarotnaha kalca aŭtobusaŭ i zakryćciom ruchu transpartu z 7.00 (28 kastryčnika) prykładna da 22.00 (29 kastryčnika) ruch aŭtobusaŭ maršrutaŭ №40, 53 na ŭčastku ad pł. Kazinca da KP «Łandera» budzie arhanizavany pa vuł. Karžanieŭskaha, Łandera ŭ abodvuch kirunkach z vykanańniem usich pramiežkavych prypynačnych punktaŭ na źmienienym učastku.

Pasažyraŭ prosiać uličvać hetuju infarmacyju pry płanavańni pajezdak.