Kurynyja jajki i paštovyja skryni — biełaruskaje adzieńnie ź viaskovym kałarytam
My naviedali adzin z samych niezvyčajnych pakazaŭ asieńniaha tydnia biełaruskaj mody — Chistoryja Naturalis. Hety brend 9 hod stvaraje adzieńnie, blizkaje pa svajoj kancepcyi da pryrody.
28.10.2017 / 16:43
Dyzajnierki Łarysa Ściapanava i Palina Kartavickaja vykarystoŭvajuć u svaich pracach naturalnyja ekałahičnyja materyjały i farby. Natchnieńniem dla novaj kalekcyi viasna-leta 2018 stała biełaruskaja vioska, jakuju dziaŭčaty i nazvali ŭ jaje honar «Vioska».
Kožny vobraz kalekcyi pieranosić nas u dziacinstva, kali my letam pryjaždžali da babuli na viosku: usie mahčymaja vidy kvietak i, navat, pustaziellaŭ, kurynyja jajki, šyški, kozy, kački, draŭlanyja paštovyja skrynki i zornaje nieba. Kali pryhladziecca, to možna pabačyć navat malunki i arnamienty z babulinych špaleraŭ i firanak. Dyzajnierki nie zabyli i cikavuju biełaruskuju tradycyju — advozić staruju vopratku na viosku i nasić jaje tam, što dobra bačna na prykładzie «raściahnutych» kardyhanaŭ roznych form, źviazanych ź nitak roznych koleraŭ.