Milicejski načalnik z Hrodna na svaim aŭto źbiŭ žančynu
31.10.2017 / 14:49
DTZ adbyłosia jašče 27 kastryčnika. Trochi padrabiaźniej pra zdareńnie raspaviali «Našaj Nivie» ŭ Śledčym kamitecie.
Viadoma, što zdareńnie adbyłosia ŭviečary. Namieśnik načalnika Hrodzienskaha UUS Uładzimir Saciuk jechaŭ u daždlivaje nadvorje na ŭłasnym aŭto. Pad koły mašyny trapiła žančyna. Jak dakładna heta adbyłosia — pakul nieviadoma. Śledčyja kažuć, što Saciuk byŭ ćviarozy.
Uładzimir Saciuk
Ciapier žančyna znachodzicca ŭ špitali. Paciarpiełaj kala 50 hadoŭ. Stan stabilny.
Ciapier pa hetym fakcie pravodzicca raźbiralnictva, raspačata kryminalnaja sprava pa artykule «Parušeńnie PDR, jakoje pa nieaściarožnaści pryviało da ciažkich cialesnych paškodžańniaŭ». Maksimalnaje pakarańnie — 5 hadoŭ pazbaŭleńnia voli, ale ŭ Śledčym kamitecie adznačyli, što abvinavačvańnie Saciuku nie pradjaŭlena. Jon nie zatrymany — praciahvaje pracavać na svajoj pasadzie.
Uładzimiru Saciuk 44 hady, jon naradziŭsia ŭ Breście. Skončyŭ BDUIR, Akademiju MUS i Akademiju kiravańnia. Słužyŭ u milicyi ŭ Minsku, z 2009 hoda — namieśnik načalnika UUS Hrodzienskaha abłvykankama.