Urad Litvy pieradaje JeHU budynak byłoha Aŭhustynskaha klaštara ŭ samym centry Vilni

31.10.2017 / 22:01

31 kastryčnika Urad Litoŭskaj Respubliki pryniaŭ aficyjnaje rašeńnie ab pieradačy Jeŭrapiejskamu humanitarnamu ŭniviersitetu (JeHU) budynka byłoha Aŭhustynskaha klaštara — paviedamiŭ JeHU. Budučy korpus univiersiteta mieścicca ŭ starym horadzie Vilni, što znachodzicca ŭ śpisie ab’iektaŭ Suśvietnaj spadčyny JuNJeSKA, usiaho za 200 mietraŭ ad Vilenskaj ratušy.

Interjer klaštara paśla restaŭracyi

Pieršym mierapryjemstvam, jakoje adbudziecca ŭžo 17 listapada ŭ novym navučalnym korpusie, budzie ŭračystaja cyrymonija, pryśviečanaja 25-hoddziu JeHU.

«Heta važny krok u raźvićci ŭniviersiteta i supracoŭnictvie z krainaj, jakaja nas pryniała», — adznačyŭ vykonvajučy abaviazki Rektara JeHU Jorhien Jorhiensen.

Były klaštar Aŭhustynskaha ordena byŭ zbudavany ŭ kancy XVIII stahoddzia na skryžavańni sioniašnich vulic Savičaŭs i Bokšta, za 200 mietraŭ ad vilenskaj Ratušy. Pabudovu płoščaj bolš za 2700 kv. m. vyłučajuć aryhinalnyja elemienty inter’ieru, u tym liku freski i brukavanaja padłoha, jakija zachavalisia padčas piacihadovaj restaŭracyi.