Kurs prodažu dalara ŭ šerahu abmieńnikaŭ pieravysiŭ 2 rubli, amierykanskaja valuta abnaviła hadavy rekord
04.11.2017 / 10:32
Fota Iryny Arachoŭskaj
Kurs dalara praciahvaje raści. 4 listapada (siońnia — pracoŭny dzień) na tarhach u Minsku kurs amierykanskaj valuty vyras na 0,0049 kapiejki da 1,9855 biełaruskaha rubla i pastaviŭ čarhovy hadavy rekord.
Nahadajem, što ŭ piatnicu dalar abnaviŭ rekord hoda (1,9806), što trymaŭsia z 12 lipienia.
Absalutny maksimum byŭ u lutym 2016 hoda, kali kurs amierykanskaj valuty dasiahnuŭ 22 069 niedeminavanych rubloŭ.
Jak vynik, siońnia kurs prodažu ŭ niekatorych abmieńnikach pieravysiŭ 2 rubli.
Abmieńniki Biełaruskaha narodnaha banka prapanujuć dalar pa 2,0050 rubla, niekalki addzialeńniaŭ Biełarusbanka prapanujuć roŭna pa 2 rubli. Najtańniej dalar možna kupić u adnym z abmieńnikaŭ Biełahraprambanka i šerahu adzialeńniaŭ banka Maskva — Minsk: 1,987 rubla.
***