U ZŠA sienatara-libiertaryjanca pabili ŭ sprečcy za łužok miž damami

05.11.2017 / 15:17

Rend Poł. Fota washingtonpost.com.

Incydent adbyŭsia ŭ horadzie Boŭlinh-Hryn u štacie Kientuki, dzie pražyvaje sienatar Rend Poł. Palityka źbiŭ susied — doktar-aniestezijołah.

Terytoryja pamiž ich damami zjaŭlajecca pradmietam daŭniaj sprečki.

Doktar napaŭ na susieda, kali toj kasiŭ travu na sprečnym łužku.

Rend Poł — adzin z lidaraŭ libiertaryjancaŭ ZŠA. Jany vystupajuć za poŭnaje abmiežavańnie roli dziaržavy, admienu bolšaści padatkaŭ, svabodnaje našeńnie zbroi i lehalizacyju narkotykaŭ.

U pytańniach padatkaabkładańnia i prava na zbroju jany blizkija da respublikancaŭ. U pytańniach ža zabarony śmiarotnaha pakarańnia, prava na hiej-šluby i dekryminalizacyi narkotykaŭ — da demakrataŭ.

Doktar-susied byŭ aryštavany palicyjaj i adpuščany pad zastavu 5000 dalaraŭ. Jamu vystavili abvinavačvańnie ŭ naniasieńni lohkich cialesnych paškodžańniaŭ, jamu pahražaje turemnaje źniavoleńnie terminam da adnaho hoda.

SH