«Biełaja Ruś» arhanizavała subotnik u Kurapatach FOTAFAKT

11.11.2017 / 13:05

Rabotnikaŭ pradpryjemstvaŭ, studentaŭ i navučencaŭ sabrała siońnia Respublikanskaje hramadskaje abjadnańnie «Biełaja Ruś» na dobraŭparadkavańni terytoryi ŭročyšča Kurapaty, pieradaje karespandent BiełTA.

Na subotnik, niahledziačy na daždžlivaje chałodnaje nadvorje, vyjšli bolš za 40 čałaviek. Heta pradstaŭniki pradpryjemstvaŭ, ustanoŭ achovy zdaroŭja, Minskaha dziaržaŭnaha politechničnaha kaledža. Da ich dałučylisia studenty BNTU fakulteta technałohij kiravańnia i humanitaryzacyi.

Kurapaty — uročyšča pad Minskam, miesca masavych rasstrełaŭ 1930-ch. Tut spačyvajuć dziasiatki tysiač achviaraŭ stalinizmu.