Muhabe admoviŭsia sychodzić u adstaŭku

18.11.2017 / 16:52

Dziejučy prezident Zimbabve Robiert Muhabe, jaki znachodzicca pad chatnim aryštam ź sierady, nie źbirajecca sychodzić u adstaŭku. Pra heta ŭ subotu paviedamiła ahienctva Reuters sa spasyłkaj na plamieńnika prezidenta Patryka Zuvaa.

Pavodle jaho infarmacyi, Muhabe i jaho žonka hatovyja «pamierci za toje, što pravilna», i nie majuć namieru admaŭlacca ad ułady. Zuvaa taksama paviedamiŭ, što 93-hadovy prezident pačuvajecca dobra.

U subotu tysiačy demanstrantaŭ, jakija vystupajuć za adstaŭku Muhabe, byli spynienyja na šlachu da prezidenckaha pałaca ŭ stalicy Zimbabve Charare ŭzbrojenymi vajskovymi padraździaleńniami.