Не маржаваць, рухацца, рэгулярна займацца сэксам — а калі не, то не ўзбуджацца. Ратуем маладых ад прастатыту

Прастатыт — самая частая прычына звароту да ўролага ў мужчын. Праблема, з якой сёння хлопцы сутыкаюцца ўжо ў 17—18 год. Загадчыца ўралагічнага аддзялення медыцынскага цэнтра «Ладэ» Вольга Антонава расказала нам, чаму так адбываецца і што з гэтым рабіць.

23.11.2017 / 07:08

Прастату дактары называюць другім сэрцам мужчын, бо гэта вельмі важны орган. Ад прастаты, па вялікім рахунку, залежыць якасць жыцця мужчыны. Чаму?

Калі ёсць праблемы з прастатай, у мужчыны знікае палавая цяга, укарочваецца палавы акт, аргазм «сцёрты», проста няма задавальнення ад сэксу, а пасля аргазму могуць непакоіць болі. У выніку падае настрой і агулам жыццёвы тонус. Сярод найбольш глабальных наступстваў — бясплоддзе: падчас запалення прастаты сок робіцца вязкім, і ў выніку зачацце становіцца немагчымым.

Як прастатыт дае пра сябе знаць

Найперш мужчын хвалюе аслабленне напору мачы.

Мочавыпусканне можа праходзіць з цяжкасцямі, асабліва раніцай.

Часцей хочацца ў прыбіральню, у тым ліку ноччу, мужчыны могуць прачынацца па два-тры разы.

Таксама непакоіць боль унізе жывата, у пахвіне, машонцы.

Што рабіць, калі ўсе сімптомы ёсць

Не спрабуйце выратаваць сітуацыю народнымі сродкамі і БАДамі, а ляціце да доктара. Ён прызначыць двухтыднёвае лячэнне, пасля якога ўсё пройдзе. Калі ж паход да доктара зацягваецца, то пасля запушчаную хваробу можна лячыць і паўгода, і год.

Як дапамагчы прастаце

Перш за ўсё — не пераахалоджвацца. Аматары аблівацца халоднай вадой хутчэй за ўсё будуць мець праблемы з прадсталёвай залозай. Купанне ў палонцы, скаканне ў снег пасля лазні — усё гэта амаль у 100% прыводзіць да «мужчынскіх праблем».

Басейн — можна, бо вада там цёплая і пераахалоджвання не будзе.

Ровар — таксама можна, калі не вандраваць з ім у гарах і не пераадольваць тысячы кіламетраў.

Другое — для прастаты ідэальны рэгулярны сэкс, два-тры разы на тыдзень.

Калі сэксу няма, адбываецца застой і запаленчы працэс можа нарастаць нават без бактэрый. Шкодны таксама перарваны палавы акт, бо пасля аргазму не адбываецца поўнай разрадкі, няма поўнага адтоку крыві. Тое, што застаецца ў тазе, падтрымлівае запаленне.

Менш сядзець. Асабліва гэта тычыцца людзей сядзячых прафесій, таму што, зноў жа, адбываецца застой крыві. У кіроўцаў, праграмістаў амаль ва ўсіх ёсць застойныя з’явы ў малым тазе. Як гэта лечыцца? Рухамі, перапынкамі ў працы: пасля 45 хвілін сядзення трэба прайсціся, папрысядаць.

І яшчэ — адмовіцца ад алкаголю, асабліва моцнага, і вострай ежы.

Чаму на прастатыт хварэюць маладыя

Прычын некалькі. Па-першае, чым больш у вас палавых партнёраў, тым больш хвароб. Ва ўсіх розная мікрафлора, а гэта значыць, што і розныя хваробы. Любая хвароба ва ўрэтры, у канале, можа распаўсюдзіцца, падняцца ўверх і паразіць прастату.

Па-другое, праз нерэгулярнасць палавога жыцця. Вось гэтая нестабільнасць — то ёсць, то няма — вельмі шкодзіць прастаце. Ёй неабходна альбо рэгулярнае палавое жыццё, альбо ўвогуле яго адсутнасць. Чаму?

Калі мужчына жыве без сэксу, без узбуджэння, у гіпофізе, зоне мозгу, ідзе гарманальная рэгуляцыя. Сок прастаты перастае выпрацоўвацца ў колькасці, неабходнай для чалавека, які вядзе актыўнае палавое жыццё. І прастатыт не развіваецца.

Чаму прастатыт сярод пажылых стаіць асобна

Паколькі тут іншыя прычыны: пачынаюцца ўзроставыя змяненні, расце добраякасная пухліна ў прастаце — адэнома. Гэта звязана з гарманальнай перабудовай, змяненнем узроўню мужчынскага палавога гармону — тэстастэрону. Менавіта таму ў мужчын пасля 50—55 гадоў нельга гаварыць пра чысты прастатыт, пра хваробу як пра запаленне. У гэтым выпадку адэнома прастаты як правіла спалучаецца з прастатытам.

Мужчынам ва ўзросце будзе не лішнім раз на год здаваць кроў з вены на ПСА — вызначыць колькасць прастата спецыфічнага антыгену. Аналіз пакажа, які стан прастаты ў плане анкалогіі. Гэта робіцца для таго, каб не прапусціць развіццё злаякаснай пухліны, — падсумоўвае доктар.

А што яшчэ трэба ведаць

Для здароўя прастаты варта не толькі весці здаровы лад жыцця, але і памятаць пра правільнае харчаванне з усімі неабходнымі вітамінамі і мікраэлементамі.

Алей насення гарбузоў багаты на мікраэлементы (Zn, Fe, Mg, Se), утрымлівае вітаміны і флаваноіды. У выніку нармалізуецца стан прастаты, змяншаецца ацёчнасць і запаленне.

Мікраэлемент цынк (Zn) у мужчынскім арганізме адыгрывае важную ролю ў працы прастаты і ва ўтварэнні мужчынскага палавога гармону — тэстастэрону. Чэмпіён сярод прадуктаў з высокім утрыманнем цынку — вустрыцы, але яны беларусам недаступныя, бо мы далёка ад мора. Але багата гэтага мікраэлементу таксама ў гарбузовых семачках, кедравых арэхах і кунжуце.

Фітастэролы станоўча ўплываюць на сінтэз тэстастэрону і нармалізуюць працу рэпрадуктыўнай сістэмы мужчын. Шмат фітастэролаў у алеі насення гарбузоў, экстрактах пальмы сабаль і крапівы двудомнай.

Антыаксіданты (комплекс вітамінаў А + Е + С, экстракт кактуса апунцыя, таматы, чорная парэчка, плады цытрусавых) запавольваюць старэнне клетак і дапамагаюць арганізму спраўляцца з аксідатыўным стрэсам.

Гэтыя вітаміны і мікраэлементы ўтрымліваюцца ў спецыяльна распрацаваных комплексах для ўмацавання прастаты.

Карысныя звычкі ў харчаванні і правільны рытм жыцця дапамогуць падтрымліваць бадзёрасць і рэпрадуктыўнае даўгалецце многія гады.

СТАА «Фармлэнд», УПП 101431475

Матэрыял публікуецца на правах рэкламы

nn.by