Čyž zhulaŭ u chakiej suprać Łukašenki FOTAFAKT

04.12.2017 / 08:48

Na minułym tydni ŭ treniroŭcy chakiejnaj kamandy kiraŭnika Biełarusi braŭ udzieł viadomy biznesoviec Juryj Čyž. Pra heta śviedčyć fota ź instahrama rasijskaha dresiroŭščyka Edharda Zapašnaha.

Tot samyj dień,kotoryj nikohda nie zabudieš v svojej žizni! Spasibo OHROMNOJE jeŝio raz Priezidientu Riespubłiki Biełaruś A.H.Łukašienko!!! #łukašienko#aleksandrłukašienko#priezidientłukašienko#biełaruś#biełorussiia#minsk#chokkiej#drobyš#zapašnyj#zapašnyje#bratiazapašnyje #icehockey #circus#chokkiejsšajboj#president

Pubłikaciia ot Edhard Zapašnyj (@zapashny.ru)

U hulni udzielničaŭ jaho brat Askold. Edhard Zapašny naziraŭ za matčam z trybun. Razam z Askoldam Zapašnym u adnoj kamandzie byli rasijski pradziusier i kampazitar Viktar Drobyš i Juryj Čyž. Kamanda «zialonych», umacavaŭšysia niekalkimi byłymi prafiesijnymi chakieistami, supraćstajała kamandzie «čyrvonych» pa čale z Alaksandram Łukašenkam.

Varta adznačyć, što heta druhoje publičnaje źjaŭleńnie Alaksandra Łukašenki i Juryja Čyža ŭ adnoj kampanii za apošnija 2,5 miesiaca. 15 vieraśnia biznesmen byŭ zaprošany na ŭračysty pryjom z nahody 20-hoddzia chakiejnaj kamandy prezidenta Biełarusi.

Asnoŭny ŭładalnik hrupy kampanij «Trajpł», jaki doŭhi čas uvachodziŭ u blizkaje atačeńnie biełaruskaha lidara, vypaŭ z abojmy amal 2 hady tamu paśla rezanansnaha zatrymańnia. Paru miesiacaŭ tamu stała viadoma pra viartańnie Čyža ŭ prezidenckuju kamandu.