Raspracoŭščyki Telegram stvaryli alternatyŭny dadatak z novymi funkcyjami dla svajho miesiendžara — Telegram X
Raspracoŭščyki Telegram stvaryli alternatyŭny dadatak dla svajho miesiendžara pad nazvaj Telegram X. Novaja prahrama atrymała ciomnuju temu, inšy zychodny kod i mahčymaść pracavać bolš chutka i efiektyŭna.
26.12.2017 / 16:26
Jak paviedamlajecca ŭ apisańni dadatku, Telegram X napisany na movie prahramavańnia Swift, pracuje chutčej, čym asnoŭnaja prahrama, i dazvalaje bolš efiektyŭna vykarystoŭvać enierhiju akumulatara.
Akramia taho, u novaj viersii mieniedžara źjaviłasia ciomnaja tema, mahčymaść naładžvać pamier šryftoŭ, prasłuchoŭvać aŭdyjafajły anłajn i vykarystoŭvać GIF-malunki ŭ viersii dla iPad.
Telegram X dastupny dla zapampoŭki na iOS-pryłady ŭ aficyjnaj kramie App Store.
Swift — mova prahramavańnia ad kampanii Apple, pradstaŭlenaja joj u 2014 hodzie jak sučasnaja, bolš lohkaja dla čytańnia i ŭstojlivaja da pamyłak prahramista mova, jakaja pastupova zamianiaje saboj movu Objective-C.