Minčanka stvaraje fotakomiksy pa matyvach biełaruskich tvoraŭ

jak vam?

Studentka BDU i kansultant banka Hanna Tryźniuk paśla pračytańnia nie prosta adkładaje knižku na palicu. Adnojčy joj u hałavu pryjšła ideja stvarać na asnovie siužetaŭ knižak fotakomiksy.

26.12.2017 / 17:42

Pačać jana vyrašyła z tvora Viačasłava Adamčyka «Čužaja Baćkaŭščyna», ale płanuje, što ŭ budučyni zmoža vizualizavać historyi i ź inšych knih.

Hanna Tryźniuk.

«Časam čytaješ niejki tvor, pražyvaješ žyćcio razam z hałoŭnymi hierojami, a potym kniha zakančvajecca. I ty nie viedaješ, što rabić dalej. A ŭ mianie paśla čytańnia ŭźnikła ideja stvaryć albom z kadrami z žyćcia hałoŭnaj hieraini, zazirnuć hłybiej, adčuć siabie padobnaj na jaje, stać joj», — raskazvaje Hanna.

Uvasobić prajekt u žyćcio joj dapamoh chłopiec Jaŭhien i siabroŭki. Mienavita jany i syhrali hałoŭnych hierojaŭ knižki — Impola, Chryściu i Alesiu — dla fotasiesii Dzijany Basałajevaj.

Zrazumieła, što ŭ knizie jość i inšyja siužetnyja linii, ale Hanna vyrašyła skancentravacca na linii kachańnia.

U dalejšym Hanna choča papracavać z tvoram Viktara Kaźko «Sud u Słabadzie», a paśla — budzie bačna. Chutčej za ŭsio, voźmiecca za lubimyja knižki — «Vorahi» Michasia Zareckaha i «Žoŭty piasočak» Vasila Bykava.