Cana nafty Brent padniałasia da samaha vysokaha z 2015 hoda ŭzroŭniu

26.12.2017 / 21:06

Reuters.com

Košt lutaŭskich fjučarsaŭ na naftu marki Brent na łondanskaj biržy ICE ŭzrasła na 1,5% i skłała $ 66,75 za baral pa stanie na 20:50, havorycca na sajcie biržy. Heta najbolšy pakazčyk za apošnija dva hady: apošni raz ceny na Brent na hetaj biržy znachodzilisia na ŭzroŭni vyšej za $ 66 11 červienia 2015 hoda.

U pačatku dnia fjučarsy handlavalisia na ŭzroŭni $ 65,33.

Ahienctva Bloomberg piša, što ceny na naftu padskočyli paśla paviedamleńniaŭ ab vybuchu na naftapravodzie ŭ Livii. Pa im naftu pastupała ŭ naftanaliŭny port Es-Sidr. Ahienctva sa spasyłkaj na abaznanuju krynicu paviedamlaje, što paśla vybuchu sutačny abjom pastavak źniziŭsia na 60-70 tys. z 260 tys. baralaŭ u sutki.

Pa dadzienych biržy, ceny na fjučarsy pastajanna rastuć z kanca červienia, kali paŭnočnamarskaja sumieś kaštavała $ 46,74