Na Mižnarodnaj kaśmičnaj stancyi taksama pahladzieli novy film sahi «Zornyja vojny»
Kampanija Disney vyrašyła zładzić dla astranaŭtaŭ MKS nievialiki ciurpryz, dasłaŭšy ŭ kosmas ličbavuju kopiju svajho novaha filma «Zornyja vojny: apošnija džedai».
27.12.2017 / 16:35
Ličbavaja kopija była pieradadzienaja na bort MKS praz Kaśmičny centr imia Lindana Džonsana. Nahadajem, što ŭ 2015 hodzie Disney užo pieradavała na bort Mižnarodnaj kaśmičnaj stancyi papiaredni film sahi z padzahałoŭkam «Abudžeńnie siły».
Amierykanski astranaŭt Mark Vande Chiej apublikavaŭ u svaim tvitary cikavuju fatahrafiju, jakaja demanstruje praces prahladu novaj kinakarciny.
Kinakarcina «Zornyja vojny: Apošnija džedai» na siońniašni dzień sabrała ŭ suśvietnym prakacie bolš za $770 miljonaŭ, što ŭžo akupiła jaje biudžet, jaki skłaŭ $397 miljonaŭ.