U Homieli adkryŭsia pieršy ŭ krainie dziciačy sadok novaha typu, ubudavany ŭ žyły dom
27.12.2017 / 17:28
Dziciačy sad u žyłym domie adkryŭsia siońnia ŭ Homieli, paviedamlaje Biełta. Sad raźmieščany na pieršym paviersie novaha šmatpaviarchovaha žyłoha doma i raźličany na 60 miescaŭ. Stvoranyja ŭsie nieabchodnyja dla daškolnikaŭ ŭmovy: hrupavyja pamiaškańni, muzyčna-spartyŭnaja zała, abstalavanaja sanačnaja, dzie ŭ zimovy pieryjad baćki zmohuć pakidać sanki, letam — samakaty i rovary.
Na dumku staršyni homielskaha harvykankama Piatra Kiryčenki, padobnyja prajekty dapamahajuć vyrašać adrazu niekalki zadač. Pa-pieršaje, ekanomiacca srodki. Pa-druhoje, vyrašajecca pytańnie zabieśpiačeńnia krokavaj dastupnaści ŭstanoŭ daškolnaj adukacyi ŭ mikrarajonach-novabudoŭlach.
Sad pabudavany na srodki Homielskaha DSK, za košt haradskoha biudžetu zakupleny mebla, cacki, srodki navučańnia. U ciapierašni čas vyvučajecca mahčymaść budaŭnictva ŭ Homieli jašče niekalkich damoŭ z ubudavanymi dziciačymi sadami. U pryvatnaści, razhladajucca varyjanty ŭźviadzieńnia anałahičnych kompleksaŭ u čatyroch novych mikrarajonach horada.