Žančyna sama źmianiła fota ŭ pašparcie, kab vyhladać lepiej — i była zatrymanaja na miažy
27.12.2017 / 21:23
Uviečary 25 śniežnia ŭ punkcie propusku «Makrany» pry afarmleńni 61-hadovaj žycharki Bresckaj vobłaści pamiežnikami vyjaŭlenaja padrobka pašpartu ŭ vyhladzie zamieny fatahrafii, paviedamlaje Dziaržpahrankamitet Biełarusi.
Jak vyśvietliłasia padčas razboru, žančyna vyrašyła samastojna abnavić fota ŭ dakumiencie, tamu što papiaredni zdymak joj nie padabaŭsia.
Fota — Dziaržpahrankamitet
U dačynieńni da žančyny raspačaty administracyjny praces pa artykule 23.29 (niezakonnaje pierasiačeńnie dziaržaŭnaj miažy) KaAP RB, jaki praduhledžvaje maksimalny štraf da 100 bazavych vieličyniaŭ (2300 rubloŭ).