У Літве мінімальны заробак вырас да 400 еўра

01.01.2018 / 21:11

Фота Ірыны Арахоўскай

Мінімальны месячны заробак з 1 студзеня павялічваецца ў Літве на 20 еўра да 400 еўра, піша Delfi.

У Мінпрацы Літвы сцвярджаюць, што мінімальны заробак у краіне атрымліваюць каля 264 тыс. работнікаў. У новым Працоўным кодэксе прадугледжваецца, што мінімальны заробак можа выплачвацца толькі за некваліфікаваную працу. Прафсаюзы выказалі жаданне ўстанавіць мінімальную зарплату да 500 еўра да 2020 года.

У Беларусі з 1 студзеня мінімальная зарплата павялічана да 305 рублёў (зараз гэта 130 еўра), а сярэдні заробак за лістапад склаў 837 рублёў (сёння гэта 355 еўра).