57 kandydataŭ, jakija buduć abranyja ŭ Minharsaviet — praviercie śpis paśla vybaraŭ PRAHNOZ «NN»
28.01.2018 / 22:07
Vybary miascovych deputataŭ — samyja niecikavyja dla nasielnictva. Navat pa aficyjnych padlikach, ich ihnarujuć bolš za 40% minčukoŭ. Adnak naziralniki fiksujuć inšyja ličby jaŭki — dobra, kali na ŭčastki pryjdzie chacia b kožny čaćviorty žychar stalicy.
Tym nie mienš niekalki sotniaŭ achvotnikaŭ vyrašyli zmahacca za 57 miescaŭ u Minharsaviecie. Miascovyja vybary pravodziacca pa tych ža standartach, što i ŭsie inšyja. A značycca, ich vyniki ź vialikaj dolaj imaviernaści možna pradkazać, prosta zirnuŭšy na śpisy kandydataŭ.
fota Siarhieja Hudzilina.
Hałoŭnaje praviła — udzielničaje «pasada», a nie asoba. Varta źviartać uvahu jašče na sposab vyłučeńnia kandydata. Lepš, kali zbor podpisaŭ vybarcaŭ budzie padmacavany vyłučeńniem ad pracoŭnaha kalektyva.
Padčas parłamienckaj kampanii — 2016 «Naša Niva» adhadała 96% kandydataŭ. Jaki vynik atrymajecca ciapier?
Prahnoz možna budzie spraŭdzić užo 18 lutaha.
| Akruha | Miarkujemy pieramožca | Pasada | Partyja |
| Anharskaja №1 | Pavieł Ahier | namieśnik dyrektara Minskaha zavoda kołavych ciahačoŭ | Kamunistyčnaja partyja |
| Achockaja №2 | Ihar Rusakievič* | člen naziralnaj rady zavoda «Prambudindustryja» | Sacyjalna-spartyŭnaja partyja |
| Šabanoŭskaja №3 | Natalla Myśliŭčyk* | hałoŭny doktar 36-j palikliniki | Sacyjalna-spartyŭnaja partyja |
| Aŭtazavodskaja №4 | Andrej Zaŭharodni | namieśnik kamiercyjnaha dyrektara MAZ | |
| Vaśniacoŭskaja №5 | Alaksiej Mielaščenia | dyrektar Instytuta miasa-małočnaj pramysłovaści | |
| Haładziedaŭskaja №6 | Vital Jakubaŭ | dyrektar zavoda aŭtamabilnych pryčepaŭ i kuzavaŭ «MAZ-Kupava» | |
| Ubarevickaja №7 | Mikałaj Zavalej | dyrektar univiermaha «Biełaruś» | |
| Malininskaja №8 | Alaksandr Rubinaŭ* | dyrektar Minskaha choładakambinata №2 | |
| Łošyckaja №9 | Andrej Buhroŭ | namieśnik dyrektara «Centraenierhamantaž» | |
| Plachanaŭskaja №10 | Viktar Žukoŭski* | hałoŭny doktar Centra hihijeny i epidemijałohii Leninskaha rajona | |
| Rakasoŭskaja №11 | Siarhiej Žukoŭski | dyrektar škoły №123 | Kamunistyčnaja partyja |
| Sierabranskaja №12 | Siarhiej Kulik* | hałoŭny doktar 14-j stamatałahičnaj palikliniki | |
| Kupałaŭskaja №13 | Ivan Dančanka | hienieralny dyrektar «Kamunarki» | Ahrarnaja partyja |
| Majakoŭskaja №14 | Andrej Kaściuk | dyrektar «Zielonbuda» Leninskaha rajona | |
| Asanalijeŭskaja №15 | Jaŭhien Kaściukoŭ | namieśnik dyrektara «Kieramina» | |
| Kurasoŭščynskaja №16 | Pavieł Daškievič | načalnik minskaha adździaleńnia Biełčyhunki | |
| Kastryčnickaja №17 | Žanna Kazačonak* | hałoŭny doktar 11-j balnicy | |
| Aerafłockaja №18 | Jaŭhien Vajciachovič | dyrektar Minskaha zavoda hramadzianskaj avijacyi №407 | Kamunistyčnaja partyja |
| Čkałaŭskaja №19 | Dźmitryj Mielikian | dyrektar Nacyjanalnaha aeraporta Minsk | |
| Čyhunačnaja №20 | Natalla Karčeŭskaja | dekan fakulteta tradycyjnaj biełaruskaj kultury i sučasnaha mastactva BDUKiM | |
| Kupryjanaŭskaja №21 | Siarhiej Jakubicki | dyrektar «Biełdziaržstrachu» | |
| Hrušaŭskaja №22 | Siarhiej Chilman | dyrektar «Minskrekłamy» | Kamunistyčnaja partyja |
| Dziaržynskaja №23 | Volha Ciesakova | kultarhanizatar internataŭ Studenckaha haradka BDU | |
| Jasieninskaja №24 | Jarasłaŭ Kuźniacoŭ | hałoŭny doktar 5-j palikliniki | Kamunistyčnaja partyja |
| Rafijeŭskaja №25 | Alaksandr Piatrovič* | dyrektar Biełaruskaha dziaržaŭnaha akademičnaha muzyčnaha teatra | |
| Hołubieŭskaja №26 | Iryna Leŭkaviec | dyrektar himnazii №61 | |
| Praŭdzinskaja №27 | Alaksandr Nabzdoraŭ* | dyrektar «Hałantei» | |
| Słabadskaja №28 | Pavieł Bačarnikaŭ | dyrektar «Vipojnt» | |
| Adojeŭskaja №29 | Juryj Kruhlik | dyrektar škoły №56 | Kamunistyčnaja partyja |
| Sucharaŭskaja №30 | Śviatłana Cabkała* | hałoŭny doktar 10-j palikliniki | |
| Krasnaborskaja №31 | Volha Runiec | dyrektar Minskaha dziaržaŭnaha kaledža technałohii i dyzajna lohkaj pramysłovaści | Kamunistyčnaja partyja |
| Zachodniaja №32 | Alena Śviryd | dyrektar Terytaryjalnaha centra sacyjalnaha absłuhoŭvańnia nasielnictva Frunzienskaha rajona | Ahrarnaja partyja |
| Matusievickaja №33 | Vasil Panasiuk* | staršynia Minskaha haradskoha Savieta deputataŭ | |
| Kuncaŭščynskaja №34 | Iryna Drozd | dyrektar škoły №41 | |
| Kamiennahorskaja №35 | Alaksandr Chižniak | dyrektar BiełNIIP horadabudaŭnictva | Partyja pracy i spraviadlivaści |
| Masiukoŭščynskaja №36 | Andrej Šeršań | dyrektar minskaha «Enierhazbytu» | |
| Žudroŭskaja №37 | Ihar Kušniarevič | dyrektar «Minskzialonbuda» | |
| Kalvaryjskaja №38 | Alesia Hromava | namieśnica dyrektara «Remaŭtadora» Frunzienskaha rajona | |
| Viaśnianskaja №39 | Hieorhij Kušniaroŭ | dyrektar himnazii №16 | |
| Zasłaŭskaja №40 | Uładzimir Chiejfiec | dyrektar «Halereja Kancept» | |
| Staravilenskaja №41 | Alena Abdolvand | namieśnik hałoŭnaha doktara 4-j palikliniki | |
| Novavilenskaja №42 | Ała Marciševič* | hałoŭny doktar 16-j palikliniki | |
| Mirašničenkaŭskaja №43 | Volha Śmirnova* | dyrektar himnazii №6 | |
| Łahojskaja №44 | Uładzimir Uścinovič | zahadčyk haspadarki hrupy tyłavoha zabieśpiačeńnia HAM UUS administracyi Savieckaha rajona | |
| Bahdanovickaja №45 | Alaksandr Bachanovič | prarektar BNTU | |
| Kujbyšaŭskaja №46 | Natalla Ślapian* | dyrektar škoły №53 | |
| Mašeraŭskaja №47 | Aksana Biaśko | dyrektar Minskaha dziaržaŭnaha finansava-ekanamičnaha kaledža | Partyja pracy i spraviadlivaści |
| Akademičnaja №48 | Siarhiej Kazłoŭ* | dyrektar SAK «Alimpijski» | Sacyjalna-spartyŭnaja partyja |
| Kalinoŭskaja №49 | Uładzimir Kraŭčonak* | hałoŭny doktar 12-j stamatałahičnaj palikliniki | |
| Karbyšaŭskija №50 | Lilija Mińko | dyrektar himnazii №2 | |
| Uruckaja №51 | Maryna Niemier | zahadčyca «Sanatorny jaśli-sad №498» | |
| Uschodniaja №52 | Ina Jasinskaja | dyrektar ŽEU №1 Pieršamajskaha rajona | |
| Šuhajeŭskaja №53 | Iryna Zubryckaja | dyrektar škoły №45 | |
| Vałhahradskaja №54 | Viačasłaŭ Kuźniacoŭ* | namieśnik dyrektara Minskaha miechaničnaha zavoda | Partyja pracy i spraviadlivaści |
| Miendzialejeŭskaja №55 | Siarhiej Smolski | dyrektar «Posthandlu» | |
| Pieršamajskaja №56 | Taćciana Januškievič | prarektar Minskaha haradskoha instytuta raźvićcia adukacyi | |
| Traktarazavodskaja №57 | Aleh Aŭrucin | dyrektar «Minskvodakanała» |
*zoračkami paznačanyja dziejnyja deputaty
Samaja cikavaja akruha znachodzicca ŭ Malinaŭcy — Słabadskaja №28. Patencyjnaja ŭładnaja pieramožca tut źniała svaju kandydaturu. Siarod «niepalityčnych» zastaŭsia Pavieł Bačarnikaŭ, dyrektar kampanii «VIP-1», jakaja zajmajecca sistemami biaśpieki. A taksama pradstaŭnica «Havary praŭdu» Ała Tołkač i Juraś Mielaškievič ad BNF. Inšyja kandydaty — ślesar-kamunist i pradstaŭnica ŁDP. Całkam mahčyma, što mienavita pa hetaj akruzie budzie «pryznačany» apazicyjanier.
Padobnaja sistema prymianiałasia ŭ 2016 hodzie padčas parłamienckich vybaraŭ — tady praŭładnaja kandydatka źniałasia z akruhi ciapierašniaj staršyni Tavarystva biełaruskaj movy Aleny Anisim.
Jość jašče niekalki akruh, dzie jość dva favaryty, supastaŭnyja pa svaich pasadach. Asabliva vialikaja ich kancentracyja ŭ Leninskim rajonie.