Bieh skroź śnieh: jak pravilna biehać uzimku

05.02.2018 / 12:19

Zaniatki bieham u zimovy čas ceniacca ŭsimi amatarami zdarovaha ładu žyćcia. Bo zimoj da našych pasłuh vyčyščanaje śnieham i padsušanaje marozam pavietra, a taksama pryciarušanyja trasy, jakija dapamahajuć źmienšyć nahruzku na sustavy. I badziory nastroj ŭźnikaje ad adnaho tolki pohladu na zaśniežanyja abšary. Prajekt #velcombegom «Zimovyja biehavyja hulni» pryjdziecca daspadoby ŭsim amataram sportu niezaležna ad uzrostu i fizičnaha stanu.

Dla našych dziaciej

Dastatkova pahladzieć na dzicia, jakoje viarnułasia sa špacyru pa śniezie, i ŭzhadać jaho ž paśla hulniaŭ na letnim soncapioku, i heta buduć dva roznyja dziciaci. Nie imkniciesia apranuć jaho jak maha ciaplej, prytrymlivajciesia pryncypu šmatsłojnaści. Da zvykłaj prabiežki dadajcie niekalki ruchomych hulniaŭ, a pa viartańni dadomu nieadkładna pieraapranicie dzicia ŭ suchuju sahretuju adziežu. I pra dziciačyja prastudy vy zabudziecie nadoŭha.

Dla našych baćkoŭ

Siamiejnyja zaniatki bieham stanuć pryjemnaj raznastajnaściu ŭ žyćci našych badziorych i enierhičnych baćkoŭ. Pasprabujcie čarhavać sumiesnyja prabiežki sa zvykłymi subotnimi abiedami, i vy zaŭvažycie, nakolki zdaraviejšymi stanuć baćki. A spartyŭnyja kaściumy, abutak, hadžety i dadatki dla kantrolu za stanam zdaroŭja vyrašać prablemu padarunkaŭ nadoŭha.

Dla tych, chto idzie ŭ nahu z časam

Zimovaja prabiežka — heta vydatnaja mahčymaść zrabić efiektnyja fota ŭ jarkaj spartyŭnaj ekipiroŭcy na fonie kazačnych zimovych piejzažaŭ. I apieratyŭna padzialicca imi z vašymi siabrami abo čytačami vašaha błoha, vykarystoŭvajučy mabilny internet.

Dla ramantykaŭ

Sapraŭdnyja ramantyki atrymlivajuć asałodu ad niachutkaha biehu pa zaśniežanych alejach parku ŭ niajarkim śviatle lichtaroŭ, siarod pavolnych śniažynak pad niahučnuju muzyku z ulubionaha alboma. Stylny flikier abo śviatłoadbivalnaja pałasa na vopratcy dla takich prabiežak prosta nieabchodnyja. Pa viartańni nieabchodna nadać uvahu skury: lohkaje pačyrvanieńnie zdymie krem z efiektami zaspakajeńnia i ŭvilhatnieńnia.

Dla hierojaŭ

Tyja, chto da zaniatkaŭ zimovym bieham stavicca jak da surjoznych trenirovak, ličać zaśniežanyja darožki dobrym «trenažoram» dla raźvićcia siły, tryvałaści i sprytu. Usio heta raźvivajuć spuski, zasypanyja sumiotami i schavanyja pad śniežnym pokryvam niaroŭnaści trasy, dziakujučy jakim aporna-ruchalny aparat nabyvaje dadatkovuju nahruzku. Adno z papularnych praktykavańniaŭ zimovaha siezonu dla znatakoŭ: bieh pad śniehapadam — starajciesia utoptvać śnieh na darožcy chutčej, čym toj padaje. Heta dobraja treniroŭka dla ciahlic ściahna.

Dla azdaraŭleńnia

Lehiendarny šviedski biahun Hunder Chieh u 18 hadoŭ pierachvareŭ na pnieŭmaniju, uskładnienuju infiekcyjaj. I kali paŭstała pytańnie pakinuć vialiki sport, jon ad aščadnych trenirovak u zale pierajšoŭ da zaniatkaŭ bieham na maroznym pavietry, kab umacavać asłablenyja chvarobaj lohkija. U vyniku zimovych trenirovak na zaśniežanych prastorach paŭnočnaj Šviecyi da leta spartsmien viarnuŭsia ŭ suśvietnuju lihu čempijonaŭ i ŭstanaviŭ 10 suśvietnych rekordaŭ za 82 dni. Jon adznačaŭ, što mienavita zimovyja treniroŭki na śviežym pavietry navučyli jaho adčuvać mahčymaści svajho cieła i nieadkładna reahavać na jaho patreby.

Parada prafiesijanała

Da ŭsiaho vyšejapisanaha dałučajecca doktar Mark Kukuzieła, dvojčy pieramožca marafonu VPS ZŠA, ciapierašni hałoŭny miedycynski kansultant hetaj honki. Ekśpiert pa zdarovym biehu, jon sam prabieh bolš za 60 marafonaŭ i sioleta płanuje ŭziać udzieł jašče ŭ dvuch.

Doktar śćviardžaje, što mienavita zimovyja treniroŭki na śviežym pavietry dapamahajuć raźvivać jak fizičnuju siłu, tak i siłu duchu, a taksama ŭstojlivaść. Marafoniec pierakanany: biehać u chałodnuju paru hoda karysna i zusim biaśpiečna, kali vy pravilna apranutyja, vybrali biaśpiečnuju trasu i sočycie za samaadčuvańniem.

Asabliva Mark raić aściarožna stavicca da žadańnia biehać chutčej. Doktar nastojliva rekamienduje padtrymlivać temp, jaki dazvalaje vieści lohkuju hutarku abo napiavać piesieńku. Kali dychańnie abciažarana — vy pierastaralisia, śćviardžaje śpiecyjalist, i nijakaj realnaj karyści takaja nahruzka nie pryniasie.

Bieh zimoj raźvivaje ŭsie hrupy ciahlic, doryć aerobnuju nahruzku, pavyšaje vynoślivaść usiaho arhanizma. Jon vučyć słuchać svajo cieła i kłapacicca pra jaho z zadavalnieńniem.

***

9—11 lutaha ŭpieršyniu ŭ chałodnuju paru hoda projdzie maštabnaja biehavaja inicyjatyva #velcombegom «Zimovyja biehavyja hulni». Kožny achvotny biełarus u lubym punkcie śvietu zmoža ŭnieści svoj układ u dabračynnaść, prabiehšy na vulicy ci na biehavoj darožcy ŭ fitnies-centry lubuju kolkaść kiłamietraŭ. velcom budzie zaličvać kamandnyja vyniki prabiežak na adkrytym pavietry i ŭ pamiaškańniach i kožny kiłamietr kamandy-pieramožcy budzie roŭny 2 BYN, a za kiłamietr druhoj kamandy velcom pieraličyć 1 BYN na rachunak Paralimpijskaha kamiteta Biełarusi. Sabranyja hrošy buduć nakiravany na rekanstrukcyju śpiecyjalnaha stadyjona ŭ h. Maładziečna dla škoł-internataŭ dla dziaciej z parušeńniami zroku i z prablemami aporna-ruchalnaha aparatu.